PEDIATRICS Vol. 24 No. 4 October 1959, pp. 691-700
This Article
Right arrow Full Text (PDF)
Right arrow P3Rs: Submit a response
Right arrow Alert me when this article is cited
Right arrow Alert me when P3Rs are posted
Right arrow Alert me if a correction is posted
Services
Right arrow E-mail this article to a friend
Right arrow Similar articles in this journal
Right arrow Alert me to new issues of the journal
Right arrow Add to My File Cabinet
Right arrow Download to citation manager
Right arrow reprints & permissions
Citing Articles
Right arrow Citing Articles via CrossRef
Right arrow Citing Articles via Google Scholar
Google Scholar
Right arrow Search for Related Content

SUMMARIOS IN INTERLINGUA

Incidentia de Infectiones post Splenectomia in Patientes Pediatric

In 1952 King e Schumacher reportava sever infectiones in patientes pediatric qui habeva essite subjicite a splenectomia. Depost ille tempore, nummerose reportos confirmante le constatation ha apparite. Usualmente le infectiones esseva meningitis, e le organismo le plus commun esseva pneumococco.

A causa de nostre impression que nostre experientia esseva differente, nostre casos de splenectomia esseva subjicite a un revista. Al mesme tempore nos nos decideva de comparar le catamnese in iste gruppo con le catamnese postoperatori de un simile gruppo de juveniles subjicite a appendectomia.

Durante le annos inter 1917 e 1957, un total de 81 casos appropriate pro le analyse habeva occurrite. (Omne le casos con catamnese inadequate esseva rejicite.) In le gruppo del appendectomias, 94 casos appropriate pro le analyse esseva trovate. Dece del patientes con splenectomia habeva etates de minus que 2 annos. Le operation esseva effectuate pro vane rationes, incluse spherocytosis, hypertension portal, idiopathic purpura thrombocytopenic, trauma, anemia mediterranee, e acute anemia hemolytic.

Inter le 81 patientes subjicite a splenectomia, un sol disveloppava meningitis e moriva. Inter le 94 patientes subjicite a appendectomia, meningitis purulente superveniva in un caso. Se monstrava, a nostre surprisa, que quatro individuos in iste gruppo disveloppava meningitis aseptic a un tempore subsequente.

Assi nostre serie indica que le incidentia de serie infectiones post splenectomia non excede illo de un simile gruppo de pueros e pueras subjicite a appendectomia.

Esseva interprendite un revista del litteratura pro determinar si o non he morbo a causa del qual le splenectomia esseva executate exerce un influentia super le subsequente curso postoperatori. Il pare que nulle morbo es exempte e que le varie morbos es plus o minus representate in le varie series reportate. Ben que trauma, como causa de splenectomia, ha essite associate con infection postoperatori, le sevenitate de ille infection es rarmente de grande importantia.