PEDIATRICS Vol. 23 No. 5 May 1959, pp. 1023-1036
This Article
Right arrow Full Text (PDF)
Right arrow P3Rs: Submit a response
Right arrow Alert me when this article is cited
Right arrow Alert me when P3Rs are posted
Right arrow Alert me if a correction is posted
Services
Right arrow E-mail this article to a friend
Right arrow Similar articles in this journal
Right arrow Alert me to new issues of the journal
Right arrow Add to My File Cabinet
Right arrow Download to citation manager
Right arrow reprints & permissions
Citing Articles
Right arrow Citing Articles via CrossRef
Right arrow Citing Articles via Google Scholar
Google Scholar
Right arrow Search for Related Content

SUMMARIOS IN INTERLINGUA

Un nove technica pro le registration de sonos cardiac ab intra le corde human esseva usate in le studio de congenite morbo cardiac in 63 patientes. Le technica utilisa un adaptation de certe methodos disveloppate per le Marina Statounitese pro le guerra submarin. Le elemento phonoreceptori es un ceramico a titanato de barium que es montate al puncta de un specialmente construite catheter cardiac de plastico. Le grande valor del methodo jace in su capacitate de localisar acutemente le production de sonos e murmures cardiac.

In le subjecto normal, le prime e le secunde sono es audite in omne partes del corde. Le prime sono es le plus forte in le ventriculo, e le secunde sono es le plus forte in le arteria pulmonar. Un tertie sono ab le circulation minor es inusual, sed quando illo es presente, illo es le plus forte in le ventriculo. Un quarte sono es audite routinarimente in omne casos con undas P in le electrocardiogramma. Illo es le plus forte in le atrio. In plus, omne patientes—con o sin morbo cardiac—demonstra un murmure systolic in le arteria pulmonar.

In le varie typos de congenite morbo cardiac, le sequente observationes esseva facite:

In casos de patente ducto arteriose con shunt sinistro-dextere e sin hypertension pulmonar, le characteristic murmure de machineria es le plus forte in le arteria pulmonar al aperir del ducto. Le murmure es localisate in le vasculatura pulmonar e non es audibile in le ventriculo. In le presentia de hypertension pulmonar, le character del murmure es cambiate, sed etiam isto es localisate in le arbore pulmonar.

In stenosis del valvula pulmonar le characteristic murmure systolic de conformation rhombic es localisate in le arteria pulmonar. Illo es associate con un secunde sono diminuite e retardate. In stenosis del valvula aortic, le constatationes es simile, sed le murmure es localisate in le aorta.

In casos de defecto del septo ventricular con un shunt sinistro-dextere, le characteristic murmure holosystolic es le plus forte in le ventriculo dextere, opposite al sito del defecto. Illo pote esser portate usque al arteria pulmonar, sed illo non es audite in le atrio.

In defecto del septo atrial con un shunt sinistro-dextere e sin hypertension pulmonar, le murmure producite pen le lesion es un murmure diastolic que es audite in le atrio opposite al sito del defecto e non al pariete thoracic. Le murmure systolic que es audite al margine superior del sterno ha su origine in le arteria pulmonar, e le murmure diastolic que es audite al margine inferior del sterno ha su origine in le ventriculo dextere. Ambes es murmures de fluxo.